एजेन्सी । म्यानचेस्टर सिटी काराबाओ कप फुटबलको फाइनलमा प्रवेश गरेको छ ।
बुधबार राति भएको सेमिफाइनलको दोस्रो लेगमा बुर्टोन अल्बियनलाई १ - ० ले हराउँदै समग्रमा १० - ० को जितसहित सिटी फाइनलमा प्रवेश गरेको हो ।
अल्बियनको घरेलु मैदानमा सिटीलाई जित दिलाउन सर्जियो अग्युरोले निर्णायक गोल गरे । खेलको २६ औ मिनेटमा अग्युरोले गरेको गोल सिटिको जितमा निर्णायक बनेको थियो । यसअघि पहिलो लेगमा सिटीले ९ - ० को जित निकालेको थियो ।
अब सिटीले फाइनलमा चेल्सी र टोटेनहमबीचको विजेतासंग खेल्ने छ । दुई टोलीबीचको पहिलो लेगमा टोटेनहम १ - ० ले अघि छ ।
