आरएण्डए कप फुटसल शुक्रबार हुने

काठमाडौं । आरएण्डए कप फुटसल प्रतियोगिता आगामी शुक्रबार काठमाडौमा हुने भएको छ ।

राईट एजुकेशन कन्सलटेन्सीको आयोजनामा हुने एक दिने प्रतियोगिता काठमाडौंमा भृकुटीमण्डपमा सञ्चालन हुनेछ ।

प्रतियोगितामा कक्षा ११ देखि १२ पास विद्यार्थीलाई सहभागी गराईने प्रतियोगिता प्रमुख अनमोल बिक्रम थापाले बताए । 

भृकुटीमण्डपको गोल फुटसलमा हुने प्रतियोगितामा अहिलेसम्म १० टिम दर्ता भएका छन् । प्रतियोगितामा १६ वटासम्म टिम सहभागी गराउने आयोजकको योजना छ ।

नकआउट आधारमा सञ्चालन हुने प्रतियोगिताको विजेतालाई नगद पुरस्कार, ट्रफी, मेडल र सर्टिफिगेट प्रदान गरिने आयोजकले जनाएको छ ।

युवा फुटसल खेलाडीलाई अवसर प्रदान गर्ने उद्धेश्यले कार्यक्रम आयोजना गर्न लागिएको संयोजक थापाले उल्लेख गरे ।