एजेन्सी । इंग्लिश प्रिमियर ग फुटबलमा चेल्सीले जित निकालेको छ । शनिबार राति भएको खेलमा चेल्सीले न्युकासल युनाइटेडलाई २ - १ गोल अन्तरले हराएको हो ।
घरेलु मैदानमा चेल्सीलाई जित दिलाउन पेड्रो र विलियनले एक एक गोल गरे । न्युकासलका क्लार्कले एक गोल फर्काए ।
स्टामफोर्ड ब्रिजमा खेलको नवौं मिनेटमा पेड्रोले गोल गर्दै चेल्सीलाई सुरुवाती अग्रता दिलाएका थिए । खेलको ४० औं मिनेटमा न्युकासलका क्लार्कले गोल गरेपछि पहिलो हाफको खेल १ - १ को बराबरीमा सकियो ।
दोस्रो हाफमा चेल्सीका विलियन चम्किए । खेलको ५७ औं मिनेटमा विलियनले गोल गर्दै चेल्सीलाई २ - १ को महत्वपूर्ण जित दिलाए ।
जितसंगै चेल्सीले २२ खेलबाट ४७ अंक जोडेको छ । चेल्सी लिगको चौथो स्थानमा छ । पराजित न्युकासल १८ अंकसहित रेलिगेसन जोनमा रहेको छ ।
-1747503617.webp)
