पोखरा । पुन समाज नेपालले आयोजनामा आजबाट प्रथम पुन हिल कप पुरुष, महिला तथा प्रैढ भलिबल प्रतियोगिता सुरु भएको छ । पुन दिवशको अवसर पारेर पोखरा रामघाटस्थित समाजको खेल मैदानमा समाजले आजबाट प्रतियोगिता आयोजना गरेको हो ।
प्रतियोगितामा पुरुषतर्फ १८ टोलीका सहभागिता रहेको छ । महिलातर्फ १४ तथा प्रौढतर्फ १२ टोलीको सहभागिता रहेकोे आयोजकले बताएको छ ।
प्रतियोगिताको उद्घाटन गर्दै गण्डकी प्रदेश खेलकुद परिषदका उपाध्यक्ष ध्वज कुमार गुरुङले नेपालमा भलिबल खेलमा विकास तिब्र रुपमा भईरहेको बताए । पुन समाज नेपालमा अध्यक्ष भिमबहादुुर फगामीको अध्यतामा भएको कार्यक्रम महासभिव खिमनशेरपुजा पुनले गरेका थिए ।
प्रतियोगितामा प्रथम हुने पुरुष टीमले १ लाख ११ हजार १११ रुपैयाँ, मेडल, ट्रफि र प्रमाण पत्र पाउने छ । उपविजेता हुने टीमले रुपैयाँ ५५ हजार ५५५, मेडल, ट्रफि र प्रमाण पत्र पाउनेछ ।
महिलातर्फ प्रथम हुने टीमले ६६ हजार ६६६, मेडल, ट्रफि र प्रमाण पत्र तथा उपविजेताले रुपैयाँ ३३ हजार ३३३, मेडल, ट्रफि र प्रमाण पत्र पाउने महासचिव खिमन शेरपुजा पुनले जानकारी दिए ।
समाजले प्रदेश तथा राष्ट्रिय टीममा रहेर खेलेका खेलाडीहरुलाई समावेस गराएको छैन ।
