एजेन्सी । लण्डन क्लब आर्सनललाई हराउँदै टोटेनहम कारबाओ कप फुटबलको सेमिफाईनलमा प्रवेश गरेको छ । ईमिरेट्स स्टेडियममा बुधबार राति भएको खेलमा टोटेनहमले आर्सनललाई २–० गोल अन्तरले पराजित गर्यो ।
टोटनहमको जितमा सन हियुङ मिन र डेली अलीले गोल गरे । जितसंगै टोटेनहमले लण्डन क्लब चेल्सीसंगको सेमिफाईनल भेट पक्का गरेको छ ।
खेलको २० औ मिनेटमा मिनको गोलबाट टोटेनहमले अग्रता बनाएको थियो । ५९ औ मिनेटमा अलीले गोल गर्दै टोटनहमको जित निश्चित गरे ।
टोटेनहमका प्रशिक्षक माउरिसियो पोचिटिनोले चार परिवर्तन गर्दैै मुख्य स्ट्राईकर ह्यारी केनलाई सुरुवाती लाईनअपमा राखेका थिएनन् । टाेटेनहमले फाईनल प्रवेशका लागि चेल्सीसंग खेल्नेछ ।
