एजेन्सी । अर्जेन्टिनी क्लब रिभर प्लेटले कोपा लिबर्टाडोरेस कप फुटबलको उपाधि जितेको छ ।
स्पेनमा आइतबार राति भएको दोस्रो लेगमा बोका जुनियर्सलाई अतिरिक्त समयमा ३ - १ ले हराएर रिभर प्लेट च्याम्पिय बनेको हो ।
निकै रोमान्चक बनेको खेलमा रिभरलाई उपाधि दिलाउन लुकास पार्टो, जान क्वान्टीरो र गोन्जालो मार्टिनेजले एक एक गोल गरे । बोकाका डारियो बेनेडेत्टोले एक गोल गरे ।
खेलमा सुरुवाती अग्रता जोगाउन नसक्दा बोका जुनियर्सले उपाधि रिभरलाई सुम्पेको हो । यस्तै खेलको ९० औं मिनेटमा विलमर बारिओसले रातो कार्ड पाएपछि जुनियर्स अतिरिक्त समयमा १० खेलाडीमा समेटिएको थियो ।
दोस्रो लेगको जितसंगै रिभर प्लेटले समग्रता ५ - ३ को जितसहित उपाधि उचालेको हो । यसअघि भएको पहिलो लेग २ - २ गोलको बराबरीमा सकिएको थियो ।
समर्थकहरुबीचको झडपको कारण दुई पटक स्थगित भएपछि फाइनलको दोस्रो लेग खेल स्पेनीस क्लब रियल मड्रिडको मैदानमा खेलाईएको थियो ।
