लिड्सलाई हराउँदै युनाईटेड दोस्रो स्थानमा

काठमाडौं । इंग्लिस प्रिमियर लिग फुटबलमा म्यानचेस्टर युनाईटेडले सहज जित निकालेको छ ।

आइतबार राति भएको खेलमा युनाईटेडले लिड्स युनाईटेडलाई २-० गोल अन्तरले हराएको हो ।

युनाईटेडको जितमा मार्कुस राषफोर्ड र एलेजान्ड्रो गर्नाचोले एक एक गोल गरे ।

खेलको ८० औं मिनेटमा राषफोर्डले गोल गर्दै युनाईटेडलाई सुरुआती अग्रता दिलाएका थिए ।

त्यसपछि खेलको ८५ औं मिनेटमा दोस्रो हाफमा मैदान प्रवेश गरेका गर्नाचोले गोल गर्दै युनाईटेडलाई २-० को जित दिलाए ।

गर्नाचो खेलको ६१ औं मिनेटमा जाडोन सान्चोको स्थानमा मैदान प्रवेश गरेका थिए ।

यस जितसँगै युनाईटेड अंक तालिकाको दोस्रो स्थानमा उक्लिएको छ ।

युनाईटेडले २३ खेलमा ४६ अंक जोडेको छ ।

लिड्स १९ अंक जोडेर १७ औं स्थानमा रहेको छ ।