आठौं नदिपुर भलिबल फागुन ९ बाट
पोखरा । पुन एकता क्लबको आयोजनामा हुने आठौं नदिपुर भलिबल प्रतियोगिता फागुन ९ देखि १३ गतेसम्म नदीपुरमा आयोजना हुने भएको छ ।
महाशिवरात्रि पर्ब तथा स्व.मेजर चन्द्रबहादुर पहरे पुनको स्मृतिमा प्रतियोगिता आयोजना हुन लागेको आइतबार पोखरामा आयोजित पत्रकार सम्मेनल मार्फत जानकारी दिइएको हो ।
खुला भलिबल प्रतियोगितामा पुरुष, महिला तथा प्रौढको खेल हुने भएको छ । प्रतियोगिताको बिजेताले १ लाख ५ हजार, दोस्रोले ७० हजार त्यस्तै महिला तर्फ प्रथम हुनेले ५० हजार र दोस्रोले ३० हजार त्यस्तै प्रौढ तर्फ प्रथम हुनेले ३० हजार दोस्रो हुनेले २० हजारको साथमा शिल्ड, मेडल र प्रमाण प्राप्त गर्नेछन्।
प्रतियोगितामा महिला, पुरुष एक–एक जनालाई सर्वोत्कृष्ट घोषण गरि बिशेष पुरस्कार समेत प्रदान गरिने छ ।
खेल कर्पाकेली समाज भवन नदिपुर ३ पोखराको खेल मैदानमा हुनेछ । खेल सञ्चालन गर्नको लागि बिभिन्न निमहरु समेत बनाइएको छ । खेल नकआउटको आधारमा खेलाइने छ ।
राष्ट्रिय खेलकुदमा खेलेका खेलाडिहरुलाई मात्र आधिकारीक रुपमा क्षेत्रीय खेलाडि मानिने उल्लेख छ । प्रौढको हकमा उमेर ४० वर्ष पूरा भएको हुनु पर्ने रेफ्रि संयोजक राम पुनले बताए ।
