साउथह्याम्पटनका मुख्य प्रशिक्षक बर्खास्त

काठमाडौं । इंग्लिस प्रिमियर लिग क्लब साउथह्याम्पटनले मुख्य प्रशिक्षक नाथन जोन्सलाई बर्खास्त गरेको छ ।

साउथह्याम्पटनले आइतबार नाथनलाई बर्खास्त गरिएको जनाएको छ ।

साउथह्याम्पटनले तीन महिनामै नाथनलाई बर्खास्त गरेको हो ।

वेल्सका ४९ वर्षीय नाथनले साउथह्याम्पटनसँग साढे ३ वर्षको सम्झौता गरेका थिए ।

साउथह्याम्पटनले मुख्य प्रशिक्षक राल्फ हसेनहटललाई बर्खास्त गर्दै नाथनलाई जिम्मेवारी दिएको थियो  ।

तर, तीन महिनामै नाथन बर्खास्तमा परेका हुन् ।

नाथनको नेतृत्वमा साउथह्याम्पटनले १४ खेलमा ९ हार व्यहोरेको छ ।

यस सिजन साउथह्याम्पटन २२ खेलमा १५ अंक जोडेर पुछारमा रहेको छ ।