विंगर चन्दन संकटामा

काठमाडौं । सहिद स्मारक 'ए' डिभिजन क्लब संकटाले विंगर चन्दन दासलाई अनुबन्ध गरेको छ ।

संकटाले सोमबार सामाजिक संजालबाट विंगर चन्दनलाई अनुबन्ध गरिएको जनाएको छ ।

नयाँ सिजनको सहिद स्मारक 'ए' डिभिजन लिगका लागि संकटाले चन्दनलाई अनुबन्ध गरेको हो ।  

नयाँ सिजनको 'ए' डिभिजन लिग फागुन १९ गतेबाट सुरु हुँदैछ ।

लिग डबल राउण्ड रोबिनको आधारमा हुनेछ । 

यस अघि संकटाले मनिष डाँगी, दीपक घिसिङ, ललित चौलागाई, अनिश महर्जन र गोलकिपर निशान रानालाई अनुबन्ध गरेको थियो ।