बायर्नको सहज जित

काठमाडौं । जर्मन बुन्डेसलिगा फुटबलमा बायर्न म्युनिखले जित निकालेको छ ।

आइतबार राति भएको खेलमा बायर्नले उल्फवर्गलाई ४-२ गोल अन्तरले हराएको हो ।

खेलको नवौं मिनेटमा किङ्सले कोम्यानले गोल गर्दै बायर्नलाई सुरुआती अग्रता दिलाएका थिए ।

कोम्यानले १४ औं मिनेटमा व्यक्तिगत दोस्रो गोल गर्दा बायर्न २-० ले अघि रह्यो ।

खेलको १९ औं मिनेटमा थोमस मुलरले गोल गर्दा बायर्न ३-० ले अघि रह्यो ।

खेलको ४४ औं मिनेटमा जाकुब कमिन्स्कीले गोल गर्दै उल्फवर्गलाई ३-१ को स्थितिमा ल्याए ।

५४ औं मिनेटमा जोसुवा किमिचले दोहोरो पहेलो कार्डसहित रातो कार्ड पाउँदा बायर्न १० खेलाडीमा समेटियो ।

खेलको ७३ औं मिनेटमा जमल मुसिआलाले गोल गर्दै बायर्नलाई ४-१ को अग्रता दिलाए ।

खेलको ८१ औं मिनेटमा उल्फवर्गका माटीयास भानवर्गले गोल गरेपनि बायर्न ४-२ ले विजयी भयो ।

यस जितसँगै बायर्नले १९ खेलमा ४० अंक जोडेको छ ।

बायर्न शीर्ष स्थानमा रहेको छ ।

उल्फवर्ग २९ अंक जोडेर सातौं स्थानमा रहेको छ ।