टोटेनहमले सिटीलाई हरायो

काठमाडौं । इंग्लिस प्रिमियर लिग फुटबलमा म्यानचेस्टर सिटी पराजित भएको छ ।

आइतबार राति भएको खेलमा सिटीलाई टोटेनहमले १-० गोल अन्तरले हराएको हो ।

टोटेनहमलाई जित दिलाउन ह्यारी केनले निर्णायक गोल गरे ।

खेलको खेलको १५ औं मिनेटमा गोल गरेका थिए । जुन गोल टोटेनहमको जितमा प्रयाप्त रह्यो ।

खेलको ७८ औं मिनेटमा क्रिस्टियन रोमेरोले रातो कार्ड पाएपछि टोटेनहम १० खेलाडीमा समेटिएको थियो ।

यस हारसँगै सिटीले शीर्ष स्थानको आर्सनलसँग अंक दुरू घटाउने मौका गुमाएको छ ।

दोस्रो स्थानमा रहेको सिटीले २१ खेलमा ४५ अंक जोडेको छ ।

यस जितसँगै टोटेनहमले २२ खेलमा ३९ अंक जोडेको छ ।

टोटेनहम पाँचौं स्थानमा रहेको छ ।

प्रिमियर लिग अन्तर्गत नै नटिङघम फरेस्टले लिड्सलाई १-० ले हराएको छ ।