भारत र बंगलादेशको बराबरी

काठमाडौं । साफ यू-२० महिला च्याम्पियनसिप फुटबलमा भारत र बंगलादेशले बराबरी खेल्दै अंक बाडेका छन् ।

ढाकास्थित विर श्रेष्ठ शहिद सिपाही मुस्तोफा कमल स्टेडियममा आइतबार भारत र बंगलादेशले गोलरहित बराबरी खेलेका हुन् ।

खेलमा दुबै टोलीले पाएको अवसरमा गोल निकाल्न सकेनन् ।

यस बराबरीसँगै भारतले २ खेलमा ४ अंक जोडेको छ ।

भारत शीर्ष स्थानमा रहेको छ ।

बंगलादेश ४ अंक जोडेर दोस्रो स्थानमा रहेको छ ।

प्रतियोगितामा नेपालसहित आयोजक बंगलादेश, भारत र भुटानको सहभागिता रहेको छ ।

राउण्ड रोबिनको आधारमा हुने प्रतियोगिताको शीर्ष दुई टोलीले उपाधिका लागि प्रतिस्पर्धा गर्ने छन् ।