पुलिसलाई हराउँदै आर्मी सेमिफाइनलमा

काठमाडौं । त्रिभुवन आर्मी क्लबले तेस्रो टाईगर कप अन्तराष्ट्रिय महिला तथा पुरुष भलिबल प्रतियोगिताको पुरुषतर्फ सेमिफाइनलमा स्थान बनाएको छ ।

पोखरा रंगशालाको कभर्ड हलमा बिहीबार नेपाल पुलिस क्लबलाई ३-० को सोझो सेटमा हराएर आर्मी  अन्तिम चारमा पुगेको हो ।

पुलिसविरुद्ध आर्मीले २५-१७,२५-१९ र २५-२३ को सेटमा जित निकालेको हो ।

जितसँगै आर्मीले ७ अंक जोड्यो । आर्मी तेस्रो स्थानमा रहदै सेमिफाइनलमा पुगेको हो ।

पुलिस पनि चौंथो स्थानमा रहदै अन्तिम चारमा पुगेको छ ।

अब आर्मीले सेमिफाइनलमा गण्डकी प्रदेशसँग खेल्नेछ । पुलिसले एपीएफ क्लबसँग खेल्नेछ ।

महिलातर्फ फाइनल पुग्ने टोलीको तय भईसकेको छ ।

महिलातर्फ त्रिभुवन आर्मी क्लब र एपीएफ क्लब उपाधिका लागि भिड्ने छन् ।