इंग्ल्यान्डविरुद्ध फ्रान्सलाई अग्रता

काठमाडौं । कतारमा जारी फिफा विश्वकप फुटबल अन्तर्गत अन्तिम क्वाटरफाइनलमा अहिले इंग्ल्यान्ड र फ्रान्सबीच प्रतिस्पर्धा भईरहेको छ ।

अल बायत स्टेडियममा जारी खेलको पहिलो हाफ सकिदा फ्रान्सले १-० गोलको अग्रता बनाएको छ ।

खेलको १७ औं मिनेटमा ओरेलिएन चुवामेनीले गोल गर्दै फ्रान्सलाई अग्रता दिलाएका हुन् ।

उनले एन्टोनियो ग्रीजम्यानको पासमा उत्कृष्ट गोल गरे ।

साविक विजेता फ्रान्स र इंग्ल्यान्ड आज जित निकाल्दै अन्तिम चारमा पुग्ने योजनाका रहेका छन् ।

फ्रान्सले राउण्ड अफ १६ मा पोल्याण्डलाई हराएको थियो ।

यस्तै इंग्ल्यान्डले सेनेगललाई हराएको थियो ।