अर्जेन्टिना र नेदरल्यान्ड्सबीचको खेल अतिरिक्त समयमा

काठमाडौं । कतारमा जारी फिफा विश्वकप फुटबलको दोस्रो क्वाटरफाइनलमा अहिले अर्जेन्टिना र नेदरल्यान्ड्सबीच प्रतिस्पर्धा भईरहेको छ  ।

लुसाइल स्टेडियममा जारी अर्जेन्टिना र नेदरल्यान्ड्सबीचको रोमान्चक खेल अतिरिक्त समयमा गएको छ ।

खेलको निर्धारित ९० मिनेट २-२ गोलको बराबरीमा सकिएपछि खेल अतिरिक्त समयमा गएको हो ।

रोमान्चक इन्जुरी समयमा वोउट वेघोर्स्टले व्यक्तिगत दोस्रो गोल गरेपछि खेल २-२ गोलको बराबरीमा सकिएको हो ।  

त्यसअघि खेलको ३५ औं मिनेटमा नहुएल मोलिनाले गोल गर्दै अर्जेन्टिनालाई सुरुआती अग्रता दिलाएका थिए ।

खेलको ७३ औं मिनेटमा मेस्सीले पेनाल्टीबाट गोल गर्दै अर्जेन्टिनालाई २-० को अग्रता दिलाए ।

यस्तै ८३ औं मिनेटमा नेदरल्यान्ड्सका वोउट वेघोर्स्टले गोल गर्दै खेल २-१ को स्थितिमा ल्याएका थिए ।