एजेन्सी । इंग्लिश क्लब म्यानचेस्टर युनाइटेड युईएफए च्याम्पियन्स लिग फुटबलको अन्तिम १६ मा प्रवेश गरेको छ ।
समूह चरण अन्तर्गत मंगलबार राति भएको खेलमा योङ ब्वाइजलाई १ - ० ले पराजित गर्दै युनाइटेड नकआउट चरणमा पुगेको हो ।
घरेलु मैदानमा युनाइटेडलाई जित दिलाउन मारोउने फेलानीले निर्णायक गोल गरे । खेलको इन्जुरी समयमा फेलानीले गोल गर्दै युनाइटेडलाई अन्तिम १६ को यात्रा तय गराए । उनले इन्जुरी समयको पहिलो मिनेटमा गोल गरेका थिए ।
यो जितसंगै जोसे मौरिन्होको युनाइटेडले समूह 'एच' बाट ५ खेलबाट १० अंक जोडेको छ । र ,युनाइटेड समूहको दोस्रो स्थानमा छ । १ अंक जोडेर समूहको पुछारमा रहेको योङ ब्वाइज भने बाहिरिएको छ ।
यस समूहबाट इटालियन क्लब युभेन्ट्स पनि अन्तिम १६ मा छनोट भएको छ । समूहको शीर्ष स्थानको युभेन्ट्सले १२ अंक जोडेको छ ।
