काठमाडौं । भारतमा जारी साफ यू-२० च्याम्पियनसिप फुटबलको फाइनल खेल आज शुक्रबार हुँदैछ ।
भुवनेश्वरस्थित कालिंगा स्टेडियममा हुने फाइनलमा आयोजक राष्ट्र भारत र बंगलादेशबीच प्रतिस्पर्धा हुनेछ । फाइनल खेल नेपाली समय अनुसार ७:४५ बजे सुरु हुनेछ ।
साविक विजेता भारत घरेलु भूमिमा उपाधि राख्न चाहन्छ । यता, बंगलादेश पहिलो पटक उपाधि उचाल्न चाहन्छ ।
अपराजित रहेको बंगलादेश शीर्ष स्थान रहदै फाइनल पुगेको हो । बंगलादेशले ४ खेल १० अंक जोडेको थियो ।
बंगलादेशले लिग चरणमा भारतलाई हराएको थियो ।
भारत ४ खेल ९ अंक जोडेर दोस्रो स्थान रहदै फाइनल पुगेको हो ।
भारत बंगलादेशविरुद्ध लिग चरण व्यहोरेको हारको बदला लिन चाहन्छ ।
नेपाल भने फाइनल पुग्न असफल भएको थियो ।
नेपाल तेस्रो स्थानमा रहेको थियो ।
नेपालले प्रतियोगितामा माल्दिभ्स र श्रीलंकालाई हराएको थियो । बंगलादेशसँग बराबरी खेल्दा भारतसँग फराकिलो हार व्यहोरेको थियो ।
-1755433192.jpeg)
