न्यु नलेज प्रिक्वाटरफाइनलमा

काठमाडौं ।  न्यु नलेज प्रथम एन्जल्स एसइइ कप छात्र फुटसल प्रतियोगितामा बुधबार प्रिक्वाटरफाइनलमा प्रवेश गरेको छ।

एन्जल्स हार्ट कलेजद्वारा आयोजित प्रतियोगितामा बीवाइसी, कृजल एफसी, कथालय, शान्तिनगर फुटसल, एबीसी, अनुशासित ब्वाइज क्लब, सुजन एफसी र भाइरस एफसीले पनि प्रिक्वाटरफाइनलमा स्थान सुरक्षित गरे ।

प्रिक्वाटरफाइनल पुग्ने अन्य टोलीमा ए वान फुटसलको ‘ए’ र ‘बी’ टिम, मनासलु एकेडेमी, किलिङटार एफसी, गैरीगाउँ एफसी, जीवाइसी र मन्थली ब्वाइज रहेका छन् ।

मनमैजुस्थित ए वान फुटसलमा भइरहेको प्रतियोगिता बिहीबार सम्पन्न हुनेछ । विजेताले ३० हजार र उपविजेताले २० हजार नगद पुरस्कार पाउने छन् ।

प्रोत्साहन स्वरुप पहिलो हुने टोलीलाई १०० प्रतिशत, दोश्रोलाई ७५ प्रतिशत र सहभागीलाई ३० प्रतिशत छात्रवृत्ति समेत प्रदान गरिने छ ।