बेललाई कार्डिफको प्रस्ताव

काठमाडौं । कार्डिफ सिटीले वेल्सका फरवार्ड ग्यारेथ बेललाई अनुबन्धका लागि प्रस्ताव गरेको छ ।

च्याम्पियनसिप क्लब कार्डिफले बेललाई २ वर्षे सम्झौताका लागि प्रस्ताव गरेको हो ।

यस्तै कार्डिफ थप एक वर्ष सम्झौता नवीकरणका लागि बिकल्प समेत दिएको छ ।

स्पेनिस क्लब रियल मड्रिड छाडेका बेल कुनैपनि क्लबमा आबद्द भएका छैनन् । तर, उनी राम्रो क्लबको खोजीमा रहेका छन् । 

३२ वर्षीय बेलले ९ वर्ष रियलमा बिताएर हालै क्लब छाडेका हुन् ।

उनी सन् २०१३ मा ८० मिलियन पाउण्डमा टोटेनहमबाट रियल आएको थिए ।

उनले रियलका लागि २ सय ५८ खेलमा १ सय ६ गोल गर्नुका साथै ६७ गोलको अवसर सिर्जना गरेका छन् ।