मेदभेदेब तेस्रो चरणमा

काठमाडौं । रुसी खेलाडी डानिल मेदभेदेब फ्रेन्च ओपन टेनिसको तेस्रो चरणमा प्रवेश गरेका छन् ।

बिहीबार राति सर्बियाका लास्लो जेरेलाई पराजित गर्दै मेदभेदेबले तेस्रो चरणमा स्थान बनाएका हुन् ।

दोस्रो वरीयताका मेदभेदेबले लास्लोलाई ६-३,६-४ र ६-३ ले पराजित गरे ।

अब युएस ओपन च्याम्पियन मेदभेदेबले तेस्रो चरणमा सर्बियाकै मिओमिरसँग खेल्नेछन् ।

महिलातर्फ पूर्व च्याम्पियन सिमोना हालेप दोस्रो चरणबाट बाहिरिएकी छिन् ।

रोमानियाकी हालेप चीनकी झेङ क्विनवेनसँग २-६, ६-२ र ६-१ ले पराजित भईन ।