एजेन्सी । प्रिमियर लिग क्लब टोटनहमका इङ्लिस मिडफिल्डर डेली अलीले क्लबसंगको सम्झौता नविकरण गरेका छन् ।
नयाँ सम्झौता अनुसार अली सन् २०२४ क्लबमा रहनेछन् ।
२२ बर्षका अली सन् २०१५ मा ५ मिलियन पाउण्डमा एमके डोन्स एफसीबाट टोटनहम आएका थिए । उनले क्लबबाट १ सय ५३ खेलमा ४८ गोल गरेका थिए ।
अलीले १६ बर्षको उमेरमै क्लब फुटबलमा डेब्यु गर्दै सनसनी मच्चाएका थिए । १८ बर्षको उमेरमा टोटनहम आएका अलीले क्लबसंगको सम्झौता सन् २०२० सम्म रहेको थियो। तर, सम्झौता नसकिदै अलीले क्लबसंग नयाँ सम्झौता गरेका हुन् ।
उनले यस सिजन क्लबबाट ६ खेल खेलेका छन् । सोमबार म्यान्चेष्टर सिटीसंग पराजित हुने खेलमा समेत उनले क्लबबाट खेलेका थिए ।
तर जारी सिजनमा उनले गोल गर्न सकेका छैनन् । उनले अहिले ह्यारी केनसंग क्लबको अग्रपङ्ती समाल्दै आएका छन् ।
केनले समेत पछिल्लो समय क्लबसंग नयाँ सम्झौतामा हस्ताक्षर गरेका थिए ।
