लोक बहादुर पुन स्मृति कप भलिबल हुने 

काठमाडौं । चितवनको कर्पाकेली पुन युवा क्लबले फागुन २५ देखि स्वर्गीय लोक बहादुर पुन स्मृति कप राष्ट्रिय महिला भलिबल प्रतियोगिता आयोजना गर्ने भएको छ । 

चिवतनको खैरहनीस्थित पुन समाजको कार्यालय परिसरमा फागुन २९ गतेसम्म हुने प्रतियोगितामा ८ टिमको सहभागिता रहनेछ । 

प्रतियोगितामा आयोजक कर्पाकेली पुन यवा क्लब, त्रिभुवन आर्मी क्लब, नेपाल एपीएफ क्लब, नेपाल पुलिस क्लब, न्यू डायमण्ड स्पोर्टस क्लब, बालिङ भलिबल क्लब, ढोरपाटन स्पोर्टस क्लब र पाथीभरा टाईगर भलिबलको सहभागिता रहनेछ । 

प्रतियोगिताको विजेताले दुई लाख प्राप्त गर्नेछ । 

त्यसैगरी उपविजेताले एक लाख, तेस्रो हुनेले ५० हजार तथा चौथों हुनेले २५ हजार प्राप्त गर्नेछन् ।