हालेप अष्ट्रेलियन ओपनबाट बाहिर  

काठमाडौं । दुई पटककी ग्रान्डस्लाम विजेता सिमोना हालेप अष्ट्रेलियन ओपन टेनिसबाट बाहिरिएकी छन् ।

फ्रान्सकी अलिजे कोर्नेटसँग पराजित हुदै हालेप प्रतियोगिताबाट बाहिरिएकी हुन् ।

कोर्नेटले हालेपलाई ६–४, ३–६ र ६–३ को सेटमा पराजित गरिन् ।

कोर्नेट पहिलो पटक कुनै पनि मुख्य प्रतियोगिताको क्वाटरफाइनलमा प्रवेश गरेकी हुन् ।

यता १४ औ वरीयताकी रोमानियन खेलाडी हालेपले सन् २०२२ मा अघिल्ला सबै आठ खेलमा विजयी भएकी थिईन् । 

हालेप सन् २०१८ मा अष्ट्रेलियन ओपनको फाइनलसम्मको यात्रा तय गरेकी थिइन् ।

कोर्नेटले अब सेमिफाइनलका लागि अमेरिकाकी डानियले कालिन्सविरुद्ध खेल्नेछिन् ।