पूर्व विजेता अजारेन्का पराजित 

काठमाडौं । पूर्व विजेता भिक्टोरिया अजारेन्का अष्ट्रेलियन ओपन टेनिसको चौथों चरणबाट बाहिरिएकी छन् ।

सन् २०१२ र २०१३ की विजेता अजारेन्का फ्रेन्च ओपन विजेता बार्बोरा क्रेचकिकोभासँग पराजित हुदै प्रतियोगिताबाट बाहिरिएकी हुन् ।

क्रेचकिकोभाले बेलारुसकी अजारेन्कालाई ६–२ र ६–२ को सोझो सेटमा पराजित गरेकी हुन् ।

क्रेचकिकोभाले अब माडिसन किजविरुद्ध प्रतिस्पर्धा गर्नेछिन् ।

यता जेसिका पेगुलाले पाँचौ वरीयताकी मारिया साकारीलाई पराजित गर्दै क्वाटरफाइनलमा प्रवेश गरिन् ।

पूर्व सेमिफाइनालिस्ट जेसिकाले मारियालाई ७–६ (७–०) र ६–३ को सेटमा पराजित गरिन् ।