मुगुरुजा पराजित
२०२२ जनवरी २०, बिहिबारखेलपाटी संवाददाता
काठमाडौं । अष्ट्रेलियन ओपन टेनिस अन्तर्गत महिलातर्फका शीर्ष वरियताका दुई खेलाडीले पराजय भोगेका छन् ।
तेस्रो वरियताकी गार्विन मुगुरुजा तथा छैठौं वरियताकी एनेट कोन्टाभेटले पराजय भोगेका हुन् ।
स्पेनकी मुगुरुजाले फ्रान्सकी भेटेरान खेलाडी अलिजे कर्नेटविरुद्धको खेलमा पराजय भोगेकी हुन् ।
अर्नेटले सन् २०२० की उपविजेता मुगुरुजालाई ६–३ र ६–३ को सेटमा पराजित गर्दै तेस्रो चरणमा प्रवेश गरेकी छन् ।
यता डेनमार्ककी क्लारा टाउसनले कोन्टाभेटलाई पराजित गर्न सफल भईन् ।
टाउसनले कोन्टाभेटलाई ६–२ र ६–४ को सेटमा स्तब्ध तुल्याइन् ।
३९ औं वरियताकी १९ वर्षीया टाउसन पहिलो पटक कुनै पनि ग्रान्डस्लामको तेस्रो चरणमा प्रवेश गरेकी हुन् ।
#अष्ट्रेलियन ओपन
