सेन्ट्रल जोन विजेता टोली सम्मानित

पोखरा । बंगलादेशमा सम्पन्न एसियन सिनियर सेन्ट्रल जोन पुरुष तथा महिला भलिबल च्यालेन्ज कपको उपाधि विजेता नेपाली महिला टोली नगदसहित सम्मानित भएका छन्।

मदन भण्डारी स्पोर्ट्स एकेडेमी गण्डकी प्रदेशले बुधबार सेन्ट्रल जोन विजेता खेलाडीलाई नगद पुरस्कारले सम्मान गरेको हो ।

एकेडेमीले विजेता खेलाडीलाई जनही ७ हजार १ सय नगदबाट पुरस्कृत गरेको हो ।

यस्तै पुरुष टिमलाई प्रशंसापत्रबाट सम्मान गरेको छ ।

बंगलादेशको ढाकामा पुस १३ गते उज्वेकिस्तानलाई ३-२ को सेटमा हराउँदै नेपालको महिला टिम च्याम्पियन बनेको थियो । नेपाल लगातार दोस्रो पटक च्याम्पियन बनेको हो ।

पुरुषतर्फ भने नेपाल चौंथो स्थानमा रह्यो ।  तेस्रो स्थानका लागि भएको खेलमा नेपाल उज्वेकिस्तानसँग ३-० को सेटमा पराजित भयो ।