सेन्ट्रल एसियन भलिबल संघका अध्यक्ष नेपाल आउने

काठमाडौं । सेन्ट्रल एसियन भलिबल संघ (सीएभीए) का अध्यक्ष मोहमद लथिफ नेपाल आउने भएका छन् ।

नेपाल भलिबल संघले मंगलबार अध्यक्ष लथिफ नेपाल आउने जानकारी गराएको छ ।

माल्दिभ्सका लथिफ पोखरामा जारी टाइगर कप भलिबल प्रतियोगिताको अवसर पारेर नेपाल आउन लागेका हुन् ।

भलिबल संघले अध्यक्ष लथिफ जनवरी १५ मा हुने टाइगर कपको फाइनल अघि नेपाल आउने जनाएको छ  ।

यस्तै संघले जनवरी १४ मा लथिफले सञ्चारकर्मीसँग भेटघाट गर्ने जनाएको छ ।

लथिफ माल्दिभ्स भलिबल संघका पूर्व अध्यक्ष समेत हुन् ।