उपाधि विजेता भलिबल टोली आज स्वदेश फर्कदै

काठमाडौं । बंगलादेशमा सम्पन्न एसियन सिनियर सेन्ट्रल जोन पुरुष तथा महिला भलिबल च्यालेन्ज कपको उपाधि विजेता नेपाली महिला टोली आज बिहीबार स्वदेश फर्कदै छन् ।

नेपाल भलिबल संघले नेपाली महिला र पुरुष टोली आज बिहान स्वदेश फर्किने जनाएको छ । नेपाली टोली बिहान ११:१० बजे त्रिभुवन विमानस्थल आईपुग्ने जनाएको छ ।

ढाका मंगलबार उज्वेकिस्तानलाई ३-२ को सेटमा हराउँदै नेपालको महिला टिम च्याम्पियन बनेको थियो । नेपाल लगातार दोस्रो पटक च्याम्पियन बनेको हो ।

पुरुषतर्फ भने नेपाल चौंथो स्थानमा रह्यो ।  तेस्रो स्थानका लागि भएको खेलमा नेपाल उज्वेकिस्तानसँग ३-० को सेटमा पराजित भयो ।