अष्ट्रेलियन ओपन खेल्न कोभिड खोप अनिवार्य

काठमाडौं । कोभिड-१९ को खोप नलगाएका खेलाडीले अष्ट्रेलियन ओपनमा प्रतिस्पर्धा गर्न नपाउने भएका छन् ।

प्रतियोगिताका डिरेक्टर क्रेग टेलीले कोभिड खोप नलगाएका खेलाडीले अष्ट्रेलियन ओपन खेल्न नपाउने बताएका छन् ।

कोरोना महामारीलाई मध्येनजर गर्दै प्रतियोगिता खेल्ने खेलाडीले पूर्ण खोप लगाएको हुनुपर्ने नियम बनाईएको हो ।

अष्ट्रेलियन ओपन आगामी जनवरी १७ देखि ३० सम्म आयोजना हुनेछ ।

मेलबर्नमा आयोजना हुने अष्ट्रेलियन ओपन वर्षको पहिलो ग्रान्डस्लाम प्रतियोगिता हो। 

गत वर्षको उपाधि नोभाक जोकोभिचले जितेका थिए ।