काठमाडौं । आन्द्रेस इनिस्टा स्पेनी फुटबलका आइकन हुन्, जसले राष्ट्रिय टिमलाई युरो र विश्वकप सफलता दिलाउन महत्त्वपूर्ण भूमिका निभाए ।
उनले बार्सिलोनालाई पनि धेरै भन्दा धेरै उपाधि दिलाए, जसमा युरोपेली च्याम्पियन्स लिग र ला लिगा पर्छन् । अचेल उनी मूल धारको युरोपेली फुटबलमा छैनन्, तर उनको कमाइ अझै अत्याधिक छ ।
बार्सिलोनाको लोभलाग्दो खेल जीवनपछि उनी जापान लागे र अझै उनी फुटबलबाट धेरै कमाउनेमा पर्छन् । यो कमाइमा उनको व्यक्तिगत ब्रान्ड र व्यापारले पनि काम गरिरहेको छ ।
फोर्ब्सका अनुसार उनको वार्षिक कमाइ अझै पनि तीन करोड युरो बराबर छ र उनी विश्व फुटबलमा सर्वाधिक कमाउने सूचीको सातौं स्थानमा छन् ।
यसरी फुटबलबाट धेरै कमाउने शीर्ष १० को सूचीमा पर्नेमा उनी मात्र स्पेनी हुन् । जापानमा उनी भिसेल कोबेसँग आवद्ध छन् । त्यहाँ उनी फिडफिल्डरको मात्र होइन्, कप्तानीको समेत भूमिकामा छन् ।
यस क्लबसँग उनले हालै दुई वर्षको नयाँ अनुबन्ध पनि गरेका छन् । त्यस अनुसार उनको वर्षको तबल मात्र पनि दुई करोड ५५ लाख युरो रहेको छ ।
बाँकी आम्दानी व्यक्तिगत प्रायोजनबाट पनि भएका हुन् । अहिले दोहराएर उनको चर्चा किन पनि भइरहेको छ भने बार्सिलोना आफै संकटमा छ र कुनै पनि बेला प्रशिक्षक रोनाल्ड कोमनको जागिर जान सक्छ ।
उनको स्थानमा आउन सक्ने सम्भावित प्रशिक्षकमा सबैभन्दा अगाडि रहेका छन्, यिनै इनिस्टा ।
–मार्काको सहयोगमा ।
