अजितको खराब प्रदर्शन

काठमाडौं । वर्ल्ड यू–२० जुनियर एथलेटिक्स च्याम्पियनसिपमा नेपालका अजित कुमार यादवले व्यक्तिगत प्रदर्शन सुधार गर्न असफल भएका छन् ।

पुरुषको ३ हजार मिटर दौडमा प्रतिस्पर्धा गरेका अजितले खराब प्रदर्शन गरेका हुन् ।  

केन्याको नौरबीमा बुधबार अजितले निर्धारित दुरी ९ मिनेट १५.२७ सकेन्डमा पूरा गरे ।

१६ खेलाडी सहभागी प्रतिस्पर्धामा अजित १४ औं स्थानमा रहे ।

हङकङमा भएको तेस्रो एसियाली युथ एथलेटिक्स च्याम्पियनसिपमा उनले ३ हजार मिटरमा स्वर्ण जितेका थिए ।

त्यससमय उनले निर्धारित दुरी ८ मिनेट ३०.३२ सेकेन्डमा पूरा गरेका थिए ।  

एसियन जुनियर एथलेटिक्स च्याम्पियनसिपमा स्वर्ण जितेको आधारमा उनले विश्व च्याम्पियनसिप खेलेका हुन्  ।

 यस स्पर्धामा इथोपियाका टाडेसे वर्कुले ७ मिनेट ४२.०९ सकेन्डको समय निकाल्दै स्वर्ण जिते ।

यस्तै ७ मिनेट ४४.५५ सकेन्डको समय सहित इथोपियाकै अली अब्दिलमानाले रजत र इरिट्रिया हबटम सामुएलले ७ मिनेट ५७.६९ सकेन्डको समयसहित कास्य पदक जितेका छन् ।