अजितले अल इन्डिया जुनियर च्याम्पियनसिप खेल्ने

काठमाडौं । एथलेटिक्स खेलाडी अजित यादवले भारतमा आयोजना हुने अल इन्डिया जुनियर च्याम्पियनसिपमा प्रतिस्पर्धा गर्ने भएका छन्।

भारतको पन्जाबमा आयोजना हुने च्याम्पियनसिपमा अजितले प्रतिस्पर्धा गर्ने भएका हुन् । उनले १५ सय मिटर दौडमा प्रतिस्पर्धा गर्ने छन् ।

नेपाल एथलेटिक्स संघले सोमबार उनलाई बिदाइ गरेको छ । च्याम्पियनसिप जुलाई ३१ देखि अगस्ट २ सम्म हुनेछ ।

यसैगरी केन्याको नौरबीमा आयोजना हुने वर्ल्ड यू–२० जुनियर एथलेटिक्स च्याम्पियनसिपमा पनि अजितले सहभागिता जनाउने छन् । उनले तीन हजार मिटर दौडमा प्रतिस्पर्धा गर्ने छन् ।

अजितले सन् २०१८ मा हङकङमा आयोजना भएको एसियन जुनियर एथलेटिक्स च्याम्पियनसिपको म्याराथनमा स्वर्ण पदक जितेका थिए ।