बैंगलोरलाई शीर्ष स्थानमा उक्लिने मौका

एजेन्सी । ईन्डियन प्रिमियर लिग क्रिकेट (आईपीएल)मा बिहिबार रोयल च्यालेन्जर्स बैंगलोर र राजस्थान रोयल्स भिड्दैछन् ।

खेल नेपाली समय अनुसार साँझ पौने ८ बजे सुरु हुनेछ ।

राजस्थानविरुद्ध उत्रदै गर्दा बैंगलोरलाई तालिकाको शीर्ष स्थानमा उक्लिने मौका छ ।

बैंगलोरले यस सिजन शानदार सुरुवात गरेको छ । उसले सुरुवाती तीनै खेलमा जित निकालेको छ । राजस्थानले मात्र एक खेलमा जित निकाल्न सकेको छ ।

बैंगलोरमा आएका ग्लेन म्यासवेल र हर्सल पटेलले उत्कृष्ट प्रर्दशन गरेका छन् । यसअघि बैंगलोर विराट कोहली र एबीडीमा निर्भर रहदै आएको थियो ।

राजस्थानले यस सिजन सुखद सुरुवात गर्न सकेको छैन । जोस बटलर मात्र फर्ममा देखिन्छन् । नयाँ बलर चेतन साकारियाले आईपीएलमार्फत राम्रो भविष्य देखाएका छन् । राजस्थानले बैंगलोरविरुद्ध पेचिलो बलिङ गर्न आवश्यक छ ।

बैंगलोरले ६ अंक सहित शीर्ष स्थानको चेन्नेई सुपर किंग्ससंग अंक बराबरी गरेको छ । राजस्थान २ अंक सहित सातौं स्थानमा छ ।