प्रदेश नम्बर ३ स्तरीय प्रथम उपराष्ट्रपति चिल्ड्रेन गेम्समा मंगलबार टिम च्याम्पियन बनेको छ । ४ खेल समावेश प्रतियोगितामा काठमाडौंले १८ स्वर्ण, ४ रजत र ४ कांस्य जित्दै समग्रमा टिम च्याम्पियन बन्यो ।
दोश्रो भएको नुवाकोटले ५ स्वर्ण, ५ रजत र ८ कांस्य हात पा¥यो । समान ३–३ स्वर्ण, रजत र कांस्यमा भक्तपुर तेश्रो भयो ।
एथलेटिक्स नवाकोट पहिलो :
एथलेटिक्समा नुवाकोट पहिलो भएको छ । नुवाकोटले ४ स्वर्ण, १ रजत र १ कांस्य जित्यो । दोश्रो भएको भक्तपुरले ३ स्वर्ण र १ कांस्य हात पा¥यो । २ स्वर्ण, १ रजत र १ कांस्य जितेको चितवनले तेश्रो स्थानमा चित्त बुझायो । छात्र÷छात्रामा ५÷५ स्पर्धामा प्रतिस्पर्धा भएको थियो ।
त्रिपुरेश्वरस्थित दशरथ रंगशालामा भएको १ सय मिटर दौडको छात्रमा भक्तपुरका विमल बुढाथोकी र छात्रामा काभ्रेकी भूमिका लुइटेल, २ सय मिटर दौडको छात्रमा भक्तपुरका विमल बुढाथोकी र छात्रामा भक्तपुरकी स्वागता खाइजु, सटपुटको छात्रमा नुवाकोटका रघु राई र छात्रामा नुवाकोटकी अमिजा शाही, लङजम्पको छात्रमा नुवाकोटका दिपेश कुमाल र छात्रामा चितवनकी मनिका महतो तथा ट्रिपलजम्पको छात्रमा नुवाकोटका रन्जित राई र छात्रामा चितवनकी मनिका महतोले स्वर्ण जिते ।
करातेमा काठमाडौंको वर्चस्व :
काठमाडौं ७ स्वर्ण, २ रजत र १ कांस्य जित्दै करातेमा टिम च्याम्पियन बनेको छ । १ स्वर्णसाथ काभ्रे दोश्रो र ३ रजतसहित रामेछाप तेश्रो भए ।
छात्रमा ३० केजीमा सुशिल परियार, ३४ केजीमा सुशान्त हुमागाईं, ३८ केजीमा वीरेन्द्र तामाङ तथा एकल कातामा पनि सुशान्तले स्वर्ण जिते । स्वर्ण विजेता सबै काठमाडौंका हुन् ।
छात्रा ३० केजी र एकल कातामा एन्जिला राई, ३४ केजीमा सन्जु देशार तथा ३८ केजीमा मिना ब्लोनले पहिलो स्थान हात पारे । मिना काभ्रेकी हुन् भने बाँकी काठमाडौंका हुन् । छात्र÷छात्रामा समान ४–४ स्वर्णका लागि प्रतिस्पर्धा भएको रेफ्री संयोजक राजेन्द्र कपालीले जनाएका छन् ।
उसुमा पनि काठमाडौं च्याम्पियन :
उसुमा पनि काठमाडौं नै च्याम्पियन बन्यो । ६ स्वर्णका लागि प्रतिस्पर्धा भएकोमा काठमाडौं्रले सर्वाधिक ५ स्वर्ण हात पा¥यो । काठमाडौंले थप १ कांस्य पनि प्राप्त ग¥यो । १ स्वर्ण, २ रजत र ३ कांस्यसाथ ललितपुर दोश्रो तथा २ रजत र १ कांस्यसाथ नुवाकोट तेश्रो स्थानमा रहे ।
छाङछवान्को छात्रमा विजय श्रेष्ठ र छात्रामामा सारा तामाङ, नान् छवान्को छात्रमा छिरिङ लामा र छात्रामा प्रविणा कार्की तथा चाइची छवान्को छात्रमा विवेक मण्डल र छात्रामा मारिया राई पहिलो बने । विवेक बाहेक सबै काठमाडौंका हुन् । विवेकले ललितपुरबाट खेलेका थिए ।
तेक्वान्दो उपाधि पनि काठमाडौंकै पोल्टामा :
विभिन्न ८ स्पर्धा समावेश तेक्वान्दोमा काठमाडौंले ६ स्वर्ण, २ रजत र २ कांस्य जित्दै उपाधि चुम्यो । १ स्वर्ण, २ रजत र ३ कांस्यसाथ नुवाकोट दोश्रो तथा २ रजत र १ कांस्यसाथ दोलखा तेश्रो बने ।
ग्योरोगीतर्फ पुरुष ३३ केजीमा विवेक श्रेष्ठ, ३७ केजीमा विशाल थापा र ४१ केजीमा अपिल लामाले स्वर्ण जिते । महिला २९ केजीमा करुणा श्रेष्ठ, ३३ केजीमा रिमा खत्री र ३७ केजीमा लक्ष्मी सुनखरी मगर पहिलो भए । एकल पुम्सेमा विवेक श्रेष्ठ र लक्ष्मी सुनखरी मगरले आ–आफ्नो समूहमा पनि स्वर्ण हात पारे । रिमा दोलखा, अपिल नुवाकोट र बाँकी स्वर्णधारी काठमाडौंका हुन् ।
विजेतालाई राष्ट्रिय खेलकुद परिषद्का सदस्य–सचिव केशवकुमार विष्ट, प्रदेश ३ का संयोजक एवं राखेप सदस्य देवकुमार अधिकारी (बद्री), राखेपका सदस्य उपेन्द्र पौडेल, राखेप कर्मचारी संघका अध्यक्ष रञ्जन थापालगायतले एक कार्यक्रमबीच पुरस्कृत गरे ।
एकदिने प्रतियोगितामा एथलेटिक्स, कराते, तेक्वान्दो र उसुमा प्रदेश ३ का विभिन्न १३ जिल्लाका ३ सय ६४ खेलाडीले प्रतिस्पर्धा गरेको राष्ट्रिय खेलकुद परिषद् (राखेप) का सदस्य एवं प्रतियोगिता संयोजक देवकुमार अधिकारीले जनाएका छन् । कक्षा ६ देखि ८ सम्ममा अध्ययनरत १४ वर्षसम्मका छात्र÷छात्रालाई लक्षित गरी प्रतियोगिता आयोजना गरिएको हो ।
यसै प्रतियोगिताबाट राष्ट्रिय खेलकुद परिषद्को आयोजनामा काठमाडौंमै हुने केन्द्र स्तरीय प्रथम उपराष्ट्रपति चिल्ड्रेन गेम्सका छनोट हुनेछन् । एथलेटिक्समा पहिलो हुने तथा बाँकी तीन खेल कराते, तेक्वान्दो र उसुमा पहिलो÷दोश्रो हुने खेलाडी केन्द्रीय प्रतिस्पर्धालाई छनोट भएका छन् ।
-1750070144.JPG)
-1750064258.webp)
