आईपीएल : दिल्ली र मुम्बई भिड्दै

एजेन्सी । ईन्डियन प्रिमियर लिग क्रिकेट (आईपीएल) मा आज दिल्ली क्यापिटल्स र मुम्बई इन्डियन्सबीच प्रतिस्पर्धा हुँदैछ ।

चेन्नईमा हुने दिल्ली र मुम्बईबीचको खेल नेपाली समय अनुसार राति पौने ८ बजे सुरु हुनेछ । दुबै टिम जित निकाल्ने लक्ष्यसहित मैदान उत्रने छन् ।

दिल्ली आज तेस्रो जित निकाल्ने लक्ष्यमा रहेको छ । अघिल्ला ३ खेलमा दिल्लीले २ जित र एक हार व्यहोरेको छ ।

दिल्ली ३ खेलमा ४ अंक जोडेर तेस्रो स्थानमा रहेको छ ।

साविक विजेता मुम्बई पनि तेस्रो जित निकाल्ने योजनामा रहेका छन् ।

मुम्बई ३ खेलमा ४ अंक जोडेर चौंथो स्थानमा रहेको छ ।

दुई टिमबीचको पछिल्लो प्रतिस्पर्धामा मुम्बई हाबी हुँदै आएको छ ।

पछिल्लो पाँच भेटमा मुम्बईले ५ खेल नै जितेको छ ।

अघिल्लो संस्करणको दुई भेटमा पनि मुम्बईले दुई खेल जितेको थियो ।