मलेसियाविरुद्ध करण प्लेयर अफ दि म्याच

काठमाडौं । नेपालले त्रिकोणात्मक टी-ट्वान्टी क्रिकेट सिरिजमा सोमबार लगातार दोस्रो जित निकाल्यो ।

टियु क्रिकेट मैदानमा मलेसियालाई ९ विकेटले पराजित गर्दै नेपालले लगातार दोस्रो जित निकालेको हो ।

मलेसियाले दिएको १ सय १० रनको सामान्य लक्ष्य नेपालले १२ ओभर १ बलमा १ विकेटको क्षतिमा पूरा गर्यो ।

यस अघि टस हारेर पहिले ब्याटिङ गरेको मलेसियाले १६ ओभर ५ बलमा अलआउट हुँदै १ सय ९ रन बनाएको थियो ।

मलेसियाविरुद्ध नेपालको जितमा करण केसी प्लेयर अफ दि म्याच चुनिए ।

मलेसियाको इनिङ्स सस्तैमा समेट्न करणले ३ विकेट लिएका थिए । उनले ३ ओभरमा १७ रन खर्चेर ३ विकेट लिएका हुन् ।

जितसँगै नेपालले २ खेलमा ४ अंक जोडेको छ ।

नेपाल शीर्ष स्थानमा रहेको छ । नेपालले पहिलो खेलमा नेदरल्यान्ड्सलाई हराएको थियो ।

मलेसियाको यो लगातार दोस्रो हार हो । पहिलो खेलमा मलेसिया नेदरल्यान्ड्ससँग पराजित भएको थियो ।