आईपीएल : चेन्नई र राजस्थान भिड्दै

एजेन्सी । ईन्डियन प्रिमियर लिग क्रिकेट (आईपीएल) मा आज चेन्नई सुपर किङ्स र राजस्थान रोयल्सबीच प्रतिस्पर्धा हुँदैछ ।

मुम्बईमा हुने चेन्नई र राजस्थानबीचको खेल नेपाली समय अनुसार राति पौने ८ बजे सुरु हुनेछ । आज दुबै टिम जित निकाल्ने लक्ष्यसहित मैदान उत्रने छन् ।

आज चेन्नई दोस्रो जित निकाल्ने लक्ष्यमा रहेको छ । अघिल्ला दुई खेलमा चेन्नईले एक जित र एक हार व्यहोरेको छ ।

चेन्नई २ खेलमा २ अंक जोडेर चौंथो स्थानमा रहेको छ ।

राजस्थान रोयल्स पनि दोस्रो जित निकाल्ने योजनामा रहेका छन् ।

राजस्थान २ खेलमा २ अंक जोडेर पाँचौं स्थानमा रहेको छ ।

दुई टिमबीचको पछिल्लो प्रतिस्पर्धामा राजस्थान हाबी हुँदै आएको छ ।

पछिल्लो पाँच भेटमा राजस्थानले ३ खेल जितेको छ । अघिल्लो संस्करणको दुई भेटमा दुबै खेल राजस्थानले जितेको थियो ।