बैंगलोरद्वारा कोलकत्तालाई २ सय ५ रनको लक्ष्य

एजेन्सी । ईन्डियन प्रिमियर लिग क्रिकेट (आईपीएल) मा रोयल च्यालेन्जर्स बैंगलोरले कोलकत्ता नाइट राइडर्सलाई जितका लागि २ सय ५ रनको लक्ष्य दिएको छ ।

चेन्नईमा टस जितेर पहिले ब्याटिङ गरेको बैंगलोरले २० ओभरमा ४ विकेट गुमाएर २ सय ४ रन बनायो ।

बैंगलोरका लागि ग्लेन म्याक्सवेल र एबी डी भिलियर्सले अर्धशतकीय इनिङ्स खेले । म्याक्सवेलले ४९ बलमा ९ चौका र ३ छक्कासहित ७८ रन बनाए ।

विस्फोटक ब्याटिङ गरेका डी भिलियर्सले ३४ बलमा ९ चौका र ३ छक्कासहित अविजित रहदै ७६ रन बनाए ।

देवदुत पडिकलले २५ रन जोड्दा केली जेमिसनले अविजित ११ रन बनाए ।

कप्तान विराट कोहली ५ रनमा आउट भए ।

कोलकत्ताका वरुण चक्रवर्तीले २ तथा पाट कुमिन्स र प्रशिद्द कृष्णले १/१ विकेट लिए ।

आज बैंगलोर लगातार तेस्रो जित निकाल्ने योजनामा रहेको छ ।

बैंगलोर तेस्रो जित निकाल्दै शीर्ष स्थानमा उक्लन चाहन्छ ।

बैंगलोरले २ खेलमा ४ अंक जोडेको छ । बैंगलोर दोस्रो स्थानमा रहेको छ ।

कोलकत्ता भने दोस्रो जितको खोजीमा हुनेछ ।