राखेपद्धारा दुई पूर्वाधार निर्माणका लागि सम्झौता

काठमाडौं । राष्ट्रिय खेलकुद परिषद्ले थप दुई पूर्वाधार निर्माण गर्ने सम्बन्धमा स्थानिय उपभोक्ता समितिसँग सम्झौता गरेको छ ।

गण्डकी प्रदेश स्तरीय खेलकुद अभिमुखीकरण कार्यक्रमका दौरान राखेप सदस्य सचिव रमेशकुमार सिलवाल र लामाचौर खेलमैदान उपभोक्ता समितिका सचिव बुद्धिवहादुर खत्रीबीच सम्झौता भएको छ ।

पोखराको लामाचौरमा निर्माणधिन कर्भडहलको भिआईपी प्याराफिटको वाल निमार्णका लागि राखेपले १० लाख उपलब्ध गराउने भएको छ । ३० मिटर लम्बाई र १२ मिटर चौडाई भएको प्यारफिटको दर्शक क्षमता एक हजार रहेको छ । निर्माण सम्पन्न भएको नेचुरल प्यारफिटतर्फ भने कभर्डहलमा ५ हजार दर्शक अट्ने क्षमता रहेको छ ।

त्यसैगरि स्याङजाको वाललिङ खेल मैदानको प्याराफिट र प्याराफिट मुनी रहेको खेलाडी चेन्जीङ रुम निर्माणका लागि राखेपले १० लाख उपलब्ध गराउने भएको छ । सोमबार राखेप सदस्य सचिव सिलवाल र वालिङ खेलमैदान उपभोक्त समितिका अध्यक्ष केशरवहादुर थापाबीच सम्झौता भएको छ ।

आइतबार राखेपले गण्डकी प्रदेशका ९ पूर्वाधार निर्माणका लागि सम्झौता गरेको थियो ।