दक्षिण अफ्रिका र इंग्ल्यान्डको खेल पुन: स्थगित

एजेन्सी । दक्षिण अफ्रिका र इंग्ल्यान्डबीचको पहिलो एकदिवसीय क्रिकेट पुन: स्थगित भएको छ ।

खेलाडी बसेको होटेलका दुई स्टाफलाई कोरोना भाईरसको संक्रमण देखिएपछि पहिलो एकदिवसीय फेरी स्थगित गरिएको हो ।

घरेलु टिम र इंग्ल्यान्डबीचको खेल आज पर्लमा हुने तालिका रहेको थियो ।

तर, होटलका कर्मचारीलाई कोरोना पुष्टि भएसँगै खेल स्थगित गरिएको हो ।

यस अघि शुक्रबार दक्षिण अफ्रिकाका खेलाडीमा कोरोना देखिएपछि खेल स्थगित गरिएको थियो ।

आज तय भएको खेल समेत स्थगित भएपछि इंग्ल्यान्डको दक्षिण अफ्रिका भ्रमण लम्बिने भएको छ ।

यस अघि इंग्ल्यान्डले टी-ट्वान्टी सिरिज क्लिन स्विप गरेको थियो ।