अष्ट्रेलियाका बलर स्टार्कले बाँकी खेल गुमाउने

एजेन्सी । अष्ट्रेलियाका बलर मिचेल स्टार्कले भारतविरुद्धको बाँकी टी-ट्वान्टी खेल गुमाउने भएका छन् ।

पारिवारिक कारण देखाएर घर फर्किएपछि स्टार्कले सिरिज अन्तर्गतका बाँकी खेल गुमाउने भएका हुन् ।

स्टार्क परिवारका सदस्य बिरामी भएपछि घर फर्किएको बताईएको छ ।

अष्ट्रेलियाले फास्ट बलरको स्थानमा अर्को खेलाडी भने ल्याएको छैन ।

अष्ट्रेलियाले घरेलु मैदानमा भारतसँग तीन खेलको टी-ट्वान्टी सिरिज खेलिरहेको छ ।

सिरिजमा भारत १-० ले अगाडी रहेको छ ।

दुई टिमबीचको दोस्रो टी-ट्वान्टी आज हुँदैछ ।