विलियम्सनको दोहोरो शतक

एजेन्सी । वेस्ट इन्डिजविरुद्धको पहिलो टेस्टमा न्युजिल्याण्डका कप्तान केन विलियम्सनले दोहोरो शतक बनाएका छन् ।

ह्यामिल्टनमा जारी टेस्टको दोस्रो दिन विलियम्सनले दोहोरो शतकीय इनिङ्स खेलेका हुन् ।

विलियम्सनले ३ सय ६९ बलमा २०१ रन बनाउँदै दोहोरो शतक पुरा गरेका हुन् ।

पहिलो दिन बिहीबार उनी ९७ रनमा अविजित रहेका थिए ।

टेस्टमा विलियम्सनको यो तेस्रो दोहोरो शतक हो ।

कप्तानको दोहोरो शतकसँगै न्युजिल्याण्ड फराकिलो स्कोरतर्फ अघि बढेको छ ।

शुक्रबार टी सम्म न्युजिल्याण्डले ६ विकेट गुमाएर ४ सय ७७ रन बनाएको छ ।

विलियम्सन २ सय ३६ रनमा अविजित रहेका छन् ।