एजेन्सी । इटालियन क्लब इन्टर मिलानका पूर्व अध्यक्ष मासिमो मोराट्टीले अर्जेन्टिनाका कप्तान लियोनल मेस्सीले बार्सिलोना नछाड्ने बताएका छन् ।
मोराट्टीले बार्सिलोनाका कप्तान अनुबन्धका लागि धेरै क्लबहरु इच्छुक भएपनि मेस्सीले क्लब नछाड्ने बताएका हुन् ।
'मेस्सी सबैको सपना हो । तर ऊ बार्सिलोना छाड्न चाहदैन् । ऊ अझै त्यहाँ उत्कृष्ट खेलाडी छन्,' मोराट्टीले भने ।
पछिल्लो समय मेस्सी अनुबन्धका लागि इन्टरले चासो देखाएको हल्ला चलेको थियो । तर, मोराट्टीले मेस्सी अनुबन्धको तयारीलाई निषेधित सपना मात्र हुने बताए ।
कीर्तिमानी ६ पटकको बालोन डी'ओर विजेता मेस्सीको क्लबसँगको सम्झौता सन् २०२१ सम्म रहेको छ । तर, मेस्सीले आफु बार्सिलोनामै रहने बताउँदै आएका छन् ।
यस्तै मोराट्टीलेले बार्सिलोनाले इन्टरका फरवार्ड लाउटारो मार्टिनेज अनुबन्ध गर्न चाहेको समेत बताए ।
'यो उनमा निर्भर हुन्छ । बार्सिलोनाले उनलाई अत्यधिक चाहेको छ,' उनले भने ।
