काठमाडौं । बाँसबारी फुटबल क्लबले सहिद स्मारक 'बी' डिभिजन लिग फुटबलमा लगातार दोस्रो जित निकालेको छ ।
एन्फा कम्प्लेक्स सातदोबाटोमा बुधबार भएको खेलमा ब्वाईज युनियन क्लबलाई ३-२ गोल अन्तरले पराजित गर्दै बाँसबारीले लगातार जित निकालेको हो ।
बाँसबारीको जितमा सुलेमान थापा मगर, सुरेश कुमाल र सजिन थापा मगरले एक एक गोल गरे । ब्वाईज युनियनको टंक बहादुर स्याङदेन र अरुण लिम्बुले एक एक गोल गरे ।
बाँसबारीले खेलमा २ गोलको अग्रता उल्टाएर जित निकालेको हो ।
यस अघि पहिलो खेलमा बाँसबारीले श्री भगवती क्लबलाई १-० गोल अन्तरले पराजित गरेको थियो ।
जितसँगै बाँसबारीले२ खेलमा ६ अंक जोडको छ । ब्वाइजले २ खेलमा ३ अंक जोडेको छ । पहिलो खेलमा ब्वाईजले श्री कुमारी क्लबलाई २-० गोल अन्तरले पराजित गरेको थियो ।
आगामी चैत २३ गतेसम्म चल्ने लिगमा लिगमा १२ क्लबले प्रतिस्पर्धा गरिरहेका छन् । एक टिम 'ए' डिभिजन लिगमा बढुवा हुनेछ भने एक टिम 'सी' डिभिजनमा घटुवा हुनेछ ।
