भ्याली पब्लिलक क्वाटरफाइनलमा

काठमाडौं । भ्याली पब्लिक दोश्रो केभीकेएसएस अन्तरविद्यालय बास्केटबल प्रतियोगिताको ब्वाइजतर्फ क्वाटरफाइनलमा प्रवेश गरेको छ ।

 

मंगलबार भएको खेलमा भ्याली पब्लिकले आयोजक काठमाडौं विद्या कुञ्ज सेकेन्डरी स्कुल (केभीकेएसएस) लाई ५८–३५ ले पराजित गर्यो । भ्याली पब्लिकका सुमन चापागाईंले ३२ अंक जोडे ।

 

ब्वाइजको अन्य खेलमा ग्रीनल्यान्डले स्काइलार्कलाई ६९–५२, गोल्डेनपिकले ज्ञान निकेतनलाई ६८–५१ तथा निम्सले युनिभर्सललाई ६६–३६ ले हराए । ग्रीनल्यान्डका राजिव आलेले १९, गोल्डेनपिकका गोपाल भण्डारीले ३२ तथा निम्सका सुमन बोगटीले १२ अंक जोडे ।

 

गल्र्समा टीआईएले स्काइलार्कलाई २१–१४ ले पाखा लगाउदै सेमिफाइनलमा स्थान सुरक्षित गर्यो । टीआईएकी रिन्चिन मोक्तानले ६ स्कोर गरिन् ।