काठमाडौं । आयोजक लिबर्टी र नेपालयले दोस्रो संस्करणको लिबर्टी कप सेभेन 'ए' साइड फुटबलको छात्रातर्फ सेमिफाइनलमा प्रवेश गरेका छन् ।
गोकर्णेश्वरस्थित अत्तरखेल मैदानमा आइतबार वर्ल्ड युथलाई ४-० गोल अन्तरले पराजित गर्दै लिबर्टी अन्तिम चारमा पुगेको हो ।
यस्तै नेपालयले अरुणोदयलाई ३-० गोल अन्तरले पराजित गर्दै सेमिफाइनलमा पुगेको छ । अब नेपालयले फाइनल प्रवेशका लागि लिबर्टीसँग खेल्नेछ ।
छात्रातर्फ नै गोकर्ण लाइटले विद्यासागरलाई १-० गोल अन्तरले पराजित गर्दा जीवन ताराले मनकामनालाई टाइब्रेकरमा २-१ गोल अन्तरले पराजित गरेको छ ।
छात्रतर्फ वर्ल्ड युथलाई टाइब्रेकरमा ३-० गोल अन्तरले पराजित गर्दै भेनस पब्लिक स्कुल क्वाटरफाइनलमा पुगेको छ ।
छात्रतर्फ नै नेपालयले हिमरश्मीलाई २-० गोल अन्तरले पराजित गर्दा सहयोगीले स्वेत बाराहीलाई ३-० गोल अन्तरले पराजित गरेको छ । यस्तै तिरुपतिले त्रिकोणलाई टाइब्रेकरमा ४-३ गोल अन्तरले हराउँदा आयोजक लिबर्टीले
विधा सागरलाई २-१ ले हराएको छ ।
प्रतियोगितामा ३५ वटा निजि तथा सामुदायिक विद्यालयले प्रतिपर्धा गरिरहेका छन् ।
प्रतियोगिताको विजेताले २० हजार, दोस्रोले १० र तेस्रोले ५ हजार पाउने छन् ।
प्रतियोगिताको उत्कृष्ट खेलाडी, उत्कृष्ट गोलकिपर र सर्वाधिक गोलकर्तालाई ट्रफी प्रदान गरिने छ ।
