झिल्टुङ क्रस कन्ट्रीमा श्रीकास र प्रियालाई उपाधि

काठमाडौं । चौथों संस्करणको झिल्टुङ क्रस कन्ट्री दौडको उपाधि श्रीकास राई र प्रिया राईले जितेका छन् ।

बेलकोटगढी वडा नम्बर ५ ले आयोजना गरेको प्रतियोगितामा पुरुषतर्फ आर्मीका श्रीकास र महिलातर्फ प्रिया पहिलो बनेका हुन् ।

पुरुष स्पर्धामा निर्धारित दुरी ५५ मिनेट ३१ सेकेन्डमा पुरा गर्दै श्रीकासले उपाधि जिते ।

यस्तै, दोस्रो भएका अर्जुन बुढाले निर्धारित दुरी ५५ मिनेट ४० सेकेन्डमा पुरा गरे । तेस्रो भएका देवराज बस्नेतले ५७ मिनेट १५ सेकेन्डको समय लगाए ।

यस्तै खुल्ला महिला स्पर्धामा प्रिया पहिलो हुँदा काजल विष्ट दोस्रो र निशा थापा तेस्रो भईन् ।

विजेताले ट्रफी सहित १५ हजार, दोस्रोले १० हजार र तेस्रो हुनेले ५ हजार रुपैयाँ प्राप्त गरेका थिए ।

नेपाल एथ्लेटिक्स एसोसियसनको प्राविधिक सहयोग रहेको प्रतियोगिताको मुख्य दौड १३ दशमलव ४ किलोमिटर रहेको थियो । जसमा ४ दशमलव ५ किलो मिटर उकालो, २ किलोमिटर समथर र बाँकी ओरालो रहेको थियो ।

कोल्पुटारबाट सुरु भएको दौड बेलिनी, खड्गछाप, माझी गाउँ, लामाटार हुँदै पुन कोल्पुटार आएर सकिएको थियो ।

यस्तै, भेट्रान्सको पुरुषतर्फ बालकृष्ण डंगोल पहिलो भए । उनले निर्धारित दुरी १ घण्टा २७ मिनेट २८ सेकेन्डमा पुरा गरे । दोस्रो भएका शिव राज वलीले १ घण्टा २७ मिनेट ४१ सेकेन्डमा दुरी पार गरे । रमेश शाक्य तेस्रो भए । उनले निर्धारित दुरी १ घण्टा ३१ मिनेट ४९ सेकेन्डमा पार गरे ।

यस्तै, आमा समूह स्पर्धामा सन्तुमाया श्रेष्ठ पहिलो भईन् । विमला श्रेष्ठ दोस्रो र कल्पना श्रेष्ठ तेस्रो भए ।

विद्यालय छात्रमा प्रविण लिम्बु पहिलो भए । अशोक बराम दोस्रो र उदय लिम्बु तेस्रो भए ।

विद्यालतर्फकै छात्रामा दिपशिखा राई पहिलो भईन् । स्वेच्छा बलामी मगर दोस्रो र सोनु गोतामे तेस्रो भईन् ।

स्थानीइ विद्यालयतर्फको छात्रमा सुन्दर तामाङ पहिलो भए । रोशन मगर दोस्रो र रिजन मगर तेस्रो भए ।

छात्रातर्फ भने रेनुका तामाङ पहिलो, निर्मला विक दोस्रो र गंगा नेपाल तेस्रो भए ।