काठमाडौं । मछिन्द्र फुटबल क्लब सहिद स्मारक 'ए' डिभिजन लिग फुटबलको शीर्ष स्थानमा उक्लिएको छ ।
सातदोबाटोमा बिहिबार भएको खेलमा पुछारको क्लब सरस्वती युथ क्लबलाई ६-१ गोलको फराकिलो अन्तरले पराजित गर्दै मछिन्द्र लिगको शीर्ष स्थानमा उक्लिएको हो ।
एन्फा कम्प्लेक्समा मछिन्द्रको फराकिलो जितमा दिपक राईले दुई गोल गरे । यस्तै देवेन्द्र तामाङ, एडिलाजा सोमिडे, आन्द्रेस निया र विशाल राई 'ए' ले एक एक गोल गरे । मछिन्द्रका काजिम बुसारीले एक गोल फर्काए ।
खेलको ४० औं मिनेटमा देवेन्द्रले गोल गर्दै मछिन्द्रलाई सुरुवाती अग्रता दिलाएका थिए । उनले रञ्जित धिमालको क्रसमा हेड गोल गरे ।
पहिलो हाफमा १-० को अग्रता बनाएको मछिन्द्रले दोस्रो हाफमा भने लगातार गोल गर्यो ।
खेलको ५४ औं मिनेटमा दिपकले सरस्वतीका दुई डिफेन्डरलाई जिल्लाउदै गोल गर्दा मछिन्द्रलाई २-० ले अघि रह्यो । ५९ औं मिनेटमा विशालले गोल गर्दै मछिन्द्रलाई ३-० को अग्रता दिलाए ।
खेलको ७७ औं मिनेटमा दिपकले व्यक्तिगत दोस्रो गोल गर्दै मछिन्द्रलाई ४-० को अग्रता दिलाए । खेलको ८७ औं मिनेटमा सरस्वतीका काजिमले पेनाल्टीमा गोल गर्दै खेल ४-१ मा ल्याए ।
खेलको ८० औं मिनेटमा मछिन्द्रका दिपक ह्याट्रिक गर्न भने चुके । सरस्वतीका कप्तान राज शाहीले डिबक्सभित्र सोमिडेलाई लडाएपछि पाएको पेनाल्टीमा दिपकले बाहिर प्रहार गरे ।
तर, खेलको इन्जुरी समयमा सोमिडेले गोल गर्दै मछिन्द्रलाई ५-१ को अग्रता दिलाए । त्यसपछि खेलको अन्तिम केहि समय बाँकी रहदा आन्द्रेसले गोल गर्दै मछिन्द्र लाई ६-१ को फराकिलो जित दिलाए ।
खेलमा मछिन्द्रका दिपक म्यान अफ दि म्याच चुनिए ।
जितसँगै मछिन्द्रले ११ खेलबाट २५ अंक जोडेको छ । र, मछिन्द्र त्रिभुवन आर्मी क्लबलाई २ अंकले पछि पार्दै शीर्ष स्थानमा उक्लिएको हो । एक खेल कम खेलेको आर्मीको २३ अंक रहेको छ ।
११ खेलमा ४ अंक जोडेको सरस्वती पुछारमा यथावत रहको छ ।
के भन्छन् प्रशिक्षक ?
मछिन्द्रका प्रशिक्षक प्रवेश कटवालले पहिलो हाफमा कठिन भएपनि दोस्रो हाफमा गोल निस्कदा जित सहज भएको बताए ।
'खेल राम्रो भयो । गोल निस्कियो त्यसैले सहज भयो,' उनले भने, 'पहिलो हाफ गोल निकाल्न गाह्रो भएको थियो । दोस्रो हाफमा गोल निस्कदा सहज भयो । उनीहरुलाई हेपेर खेलेनौ अब संकटासँगको खेल निकै महत्त्वपूर्ण छ ।'
सरस्वतीका प्रशिक्षक प्रदिप नेपालले दोस्रो हाफमा लगातार गोल खाएको कारण खेलाडीले खेल्न नसकेको बताए ।
'पहिलो हाफमा राम्रो खेल खेल्यो । दोस्रो हाफमा गोल खाएपछी खेलाडीले खराब खेले,' उनले भने, 'रेलिगेशनबाट जोगिन अझै गाह्रो छैन । दुई खेल बाँकी छ । तर, ती खेल जित्नुपर्छ ।'
मछिन्द्र प्लेईङ सेट -
रञ्जित धिमाल,विशाल राई 'ए' विशाल श्रेष्ठ, आन्द्रेस निया, विशाल राई 'बी', एडिलाजा सोमिडे,पिटर सेगुन, विजय धिमाल, दिपक राई, देवेन्द्र तामाङ, विराज महर्जन
सरस्वती प्लेईङ सेट -
मिशक अबेल, राज शाही, रमेश तामाङ,सुशन लामा, तिर्थ बहादुर बस्नेत,पूर्ण बहादुर श्रेष्ठ, विनोद केसी, बर्षात गुरुङ, प्रदिप भण्डारी, काजिम बुसारी, सबिन खड्का
-1751597995.webp)
