एजेन्सी । लियोनल मेस्सीले बार्सिलोनाका स्पोर्टिङ डिरेक्टर एरिब अबिडलको अन्तरवार्ताको आलोचना गरेका छन् ।
डिरेक्टर अबिडलले निवर्तमान प्रशिक्षक ईर्नेस्टो भाल्भर्डेको नेतृत्वमा बार्सिलोनाका खेलाडीले कडा मेहनत नगरेको भन्दै अन्तरवार्ता दिएका थिए ।
सो अन्तरवार्तामा मेस्सीले आपत्ती जनाउँदै आलोचना गरेका छन् ।
भाल्भर्डेलाई बर्खास्त गर्दै बार्सिलोनाले गत महिनामात्र क्विक सेटीनलाई नयाँ प्रशिक्षकमा नियुक्त गरेको थियो ।
मेस्सीका सहकर्मी समेत रहेका अबिडलले स्पेनिस पत्रिकामा अन्तरवार्ता दिदै खेलाडीको मेहनतमा प्रश्न उठाएका थिए ।
३२ बर्षका मेस्सी अन्तरवार्ताको आलोचना गर्दै खेलाडीको नाम दिन चुनौती दिएका छन् ।
‘यदी तिमी खेलाडीका बारेमा बोल्छौ भने तिमीले उसको नाम भन्न जरुरी छ । हैन भने कुरा हावा हुन्छ, जो सत्य हुदैन ।’ मेस्सीले भनेका छन् ।
भाल्भर्डे त्यो समय बर्खास्तमा परेका थिए, जति बेला बार्सिलोना लिगको शीर्ष स्थानमा रहेको थियो ।
अबिडालले अन्तरवार्तामा धेरै खेलाडीले मेहनत नगरेको र आन्तरिक समझदारीको समस्या रहेको बताएका थिए ।
‘प्रशिक्षक र ड्रेसिङ रुपबीच राम्रो सम्बन्ध थियो । तर पुर्व खेलाडीको रुपमा मैले केही कुरा थाहा पाउथे । मैले क्लबलाई जानकारी गराउँथे । सोही अनुसार हामी निर्णयमा पुगेका थियौ ।’ अबिडालले भनेका छन् ।
६ पटकका वालेन डी ओर मेस्सीले भनेका छन्, ‘मलाई यस्ता कुरा मन पर्दैनन् । तर मानिसहरु आफ्नो काममा जिम्मेवार हुन पर्छ ।’
अन्तरवार्तामा अबिडालले मेस्सी बार्सिलोनामा खुसी रहेको भन्दै नयाँ सम्झौताको बिषयमा दुवै पक्षबीच छलफल भईरहेको बताएका छन् ।
